Mëttelstand,
Handwierk,
Betriber,
Indépendants
Leider huet haut esou zimmlech all Betrib d’Gefill éischter Affer vu Kontrollen a Strofen ze sin wéi e
wichtegt an appreziéiert Element vun eiser Gesellschaft, wat Arbechtsplazen a Wuelstand produzéiert.
Wie soll net heiansdo d’Flemm kréien fir e Betrib ze grënnen oder ze féieren bei den aktuellen Zoustänn ?
Dir engagéiert en Auslänner deen eng Obenthaltsgenehmegung huet, a meld deen offiziell beim CCSS un. Trotzdeem kënnt dann eng Razzia vun der TM mat 2500.- EUR Amende well dee Mënsch
“keng Aarbechtserlabnis” hätt. Firwat däerf e Mënsch dee legal hei wunnt net schaffen, Sue verdéngen a
Steiere bezuelen ?
Betriber kréie wierklech net vill gehollef …. Dofir wier et wichteg eng Administratiouns-iwwergräifend
Ulafstell ze hunn wou pro-aktiv a positiv all neie Betrib gehollef kritt duerch d’Labyrint vun Autorisatiounen a
Virschrëften ze kommen. Dat matleedegst wat déi läscht 30-40 Joer geschitt ass
war, dat d’HANDWIERK net méi respektéiert a valoriséiert gouf ! Wéivill Leit déi Talent haten e
gudden Handwierker ze ginn sëtzen haut op langweilege Plazen amplaz hiert Talent mat Freed an Asaz fir d’Leit
anzesetzen ?
Mir mussen nees méi Respekt hu fir Leit déi e Beruff geléiert hunn, eppes leeschten, an dann och nach
Arbechtsplazen schafen…
ENTREPRENEURE SI GEFROT
Fir d’Indépendants ass net tragbar datt déi haut nach ëmmer diskriminatoresch behandelt ginn vis-à-vis vun
anere Leit. Dobäi hat Gambia I schon 2013 op der Säit 54 vun hirem Regierungsaccord kloor an däitlech
erkläert :
« Afin de promouvoir l’entrepreneuriat, le Gouvernement créera un statut d’indépendant qui
lui offre des droits sociaux équivalents à ceux des salariés. «
Pustekuchen! Och 10 Joer méi spéit gouf dëst einfacht Verspriechen net ageléist. Wisou ? Esou eng
Diskriminéierung ass duerch näischt ze rechtfärdegen…
Mir maache Schluss domat ! Séier a radikal ! Weider ass et och inakzeptabel datt Gechäftsleit déi e
“redressement fiscal” kréien (zu Recht oder zu Onrecht : do gëtt et jo Recoursen) dann och nach wéinst
‘Steuervergehen’ strofrechtlech verfollegt ginn. Alt nees eng Kéier : wien soll net d’Flemm kréien…
Mir brauchen eng Gesellschaft mat Entrepreneuren déi NET d’Flemm hunn, mee dofir Mut, Ausdauer,
Kreativitéit, Durchhalteverméigen… Oder et gesäit schwaarz aus fir eis Zukunft.
